Иона Васильевич Уляшев

1903–29.03.1942

Уроженец  д. Расыб Вольдинского с/с.

На Великую Отечественную войну призван 28 декабря 1941 г., рядовой.

Умер от ран 29 марта 1942 г.

Захоронен в Вологодской обл., п. Вожега.

 «Книга памяти Республики Коми», том 3, стр. 287

  Расыб грездса зон веськавлiс жö репрессия изки улö, мыжтöг мыжавлiсны

 – Вöльдiн магазинын вузасьöма, – висьталö Галина нылыс. – Асывнас мунö водз, рытнас локтö сёрöн. Керка дорас туйыс вöлöма Микайлö Миколай öшинь увтi.

 Микайлö Миколайöс судитлiсны «Крестьянское дело» организацияын участвуйтöмысь, и öшинь улас кыйöдчöны, вöлöм, кодi керкаас пырö, кодi петö. Тэ пö, шуасны, керкасьыс петiн. Оз эскыны, мый сöмын на удж вылысь локтö. Пыр и босьтасны куим во кежлö.

 Выльгортса Митрöпан Иван воча вок дорйылöма эськö, эз пö вöв. «Вöлi!» –  вочавидзöма «тройкаыд». Иван Митрофановичöс нэм кежлö нуисны.

 Мам пöжасис Вöль туйдорса сир вийöдан базаын.

Педöсьöй вежайö, пöчö гортынöсь. Шинеля, шлема морт телеграмма вайöма. «Иона локтö! Батьыд локтö!» – нимкодясьӧны гортсаяс. Пöльö пара вöлöн Кулöмдiнöдз ветлiс.

 Локтiсны. Чеччыштiс бать, дзигöдiс менö. Ыджыд! Ён! Войбыд кок костас öшалi. Кык ящик вина юисны, но некод эз коддзы. Зонъяс ставыс гудöкасисны, нывъяс мичаа сьылiсны.

 Нуигöн пö юр бергöдны эг лысьтлöй: гöгöр милиция. Уджалiм стрöйкаяс вылын. Егор Петыр сэн жö вöлi. Мастерлун вöснаным эз öбижайтны, – висьтавлiс бать.

 1942-öд воын нуисны Отечественнöй война вылö. Семен Öлексейкöд öти окопын вöлiны.

 – Зэв ёна лыйсьöны! Сiдз кытчöкö пö и вошис, – висьтавлiс Öлексей.

Ёнасö нинöм ог и тöдöй. Дерт, кöнкö, письмöяс вöлiны, но ме дзоля на вöлi да, ог помнит, кытчö лоисны. Наградаяс вöлiсны ли эз ли, тшӧтш ог тӧд.

                        Галина Ионовна Шебыревалысь висьтсö гижис П.А. Уляшева